IPK me aksion në pesë lokacione të ndryshme, arrestohen disa zyrtarë policorë

10:23 | 19 Shtator 2023
K.B

Inspektorati Policor i Kosovës ka njoftuar se me urdhër të Gjykatës Themelore në Prishtinë është duke kryer bastisje në pesë lokacione të ndryshme në Prishtinë.

Në njoftim gjithashtu bëhet e ditur se bastisja është duke u kryer ndaj disa të dyshuarve për keqpërdorim të detyrës zyrtare dhe organizim të skemave piramidale dhe bixhoz të kundërligjshëm.

“Sot që nga orët e hershme të mëngjesit, Inspektorati Policor i Kosovës (tutje IPK), i mbështetur nga njësi të reagimit të shpejtë të policisë është duke zbatuar një urdhëresë të Gjykatës Themelore në Prishtinë, Departamenti i Krimeve të Rënda, për kontroll dhe sekuestrim të dëshmive që do të gjenden gjatë kontrollit. Operacioni po zhvillohet në pesë (5) lokacione të ndryshme ndaj disa të dyshuarve për keqpërdorim të detyrës zyrtare dhe organizim të skemave piramidale dhe bixhoz të kundërligjshëm”, thuhet në njoftimin për media.

IKP njofton se pas përfundimit të operacionit pritet të bëhen të ditura detajet./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm